कास्कीकाे पोखरामा आइतबार भएको बस दुर्घटना परी घाइते हुनेकाे संख्या ५३ जना पुगेकाे छ।
लेखनाथस्थित पोखरा विश्वविद्यालयबाट बागलुङ बसपार्कलाई छुटेको ग १ ख ६७४७ नम्बरको यात्रुबाहक बस आइतबार दिउँसो साढे २ बजे पोखरा-२७ डाँडाकोनाकमा सडकबाट खोल्सामा खसेको थियो । जिल्ला ट्राफिक प्रहरी कार्यालय कास्कीले चालककै लापरबाहीले दुर्घटना भएको प्रारम्भिक अनुसन्धानमा देखिएको जनाएकाे छ ।
बस दुर्घटनाकाे बारेमा थप अनुसन्धान भइरहेकाे प्रहरी कार्यालय कास्कीले जनाएकाे छ । प्रारम्भिक रूपमा हेर्दा चालक चलाउन नसक्ने अवस्थामा रहेको प्रहरीले बताएकाे छ । प्रहरीले बसका चालक र सहचालकलाई नियन्त्रणमा लिएको छ । दुर्घटनाका सबै घाइतेको अवस्था सामान्य छ ।
१६ जना सामान्य उपचारपछि घर फर्किसकेका छन् । बस सडकबाट २५ मिटर तल खोल्सामा खसेको थियो ।
